寫啲嘢

看罷朋友達人的BLOG，談到因為村上，所以想起寫作這回事，自省吾身，再發現我並不是搞創作的材料，只是維園阿伯的年輕版beta 2.0。村上那句 "自我表現只能讓精神細分化"，我是怎麼也推敲不出是什麼意境，但straight foward的 "人是因為不寫實在受不了才寫的" 我倒弄明白了幾分，畢竟常有些事不吐不快.....

比如說，看到陳冠希CEO，我是按捺不住心中的討厭之情，那麼自命不屑香港傳媒，高人一等的姿態，嘔了好幾次，最衰FACEBOOK無嘔茹或噴飯這類applications，要不我會重投facebook的懷抱，sent幾個fun wall俾大家。CEO喎，經理人喎，好X巴閉啊，佢老竇AR嘛，唔該得閒DJ們播番當年佢隻 I owe you出嚟聽下啦，曾經有一段時間，佢同陳煥仁唱RAP的時候，我都有些微的改觀，覺得總算有堅持，家陣捧農夫出嚟，唱隻"愛似是陳冠希"，講下自己條女有幾掂，咪同顏福偉揼水出唱片唱愛你七十年有咩分別呢?又一條自吹自擂的有錢仔.....

另一單經典新聞，是美國有人抗議，投資銀行們引入新興市場資金，可能導致美國銀行體系被控制，失去自主權。所以話，我一直都覺得美國人同佢阿頭布殊一樣，都係砍親個腦，你幾時有聽過去邦民借錢的債仔同人講，我擔心個人生活沒有了自由，受財務公司控制，失去自主權?大佬啊，唔係好唔掂都唔會去借錢啦，明明後欄著火，都重要諗自己係人上人，講咩自主權，美國佬都認真係傻得可愛，難怪調查話，85%美國人未出過國啦..